Ako vam se dijeta svela na čisto računanje i zaobilaženje namirnica čiji je procenat kalorija visok, a pri tome izbjegavate neke namirnice kako bi što prije smršali – pravite grešku!
Nutricionisti ističu kako su određene visokokalorične namirnice dobre za dijetu. Stoga, donosimo listu namirnica koje sadrže vlakna, masnoće i proteine i koje morate jesti ukoliko želite da vaša dijeta bude uspješna.
AVOKADO
Avokado sadrži oko 20 minerala i vitamina, nezasićene masnoće, i izuzetno je bogat vlaknima. Avokado sa tostom je postao pravi hit i to sa razlogom. Ukoliko ga pojedete za doručak, u kombinaciji sa jajima, to će biti pun pogodak. Svoj dan ćete početi srećni, bićete zadovoljni, a sitost će vas držati satima.
ŽUMANCE
Žumance je bogato važnim hranljivim materijama, a to su: vitamin A, B-vitamini, kao i vitamin K. Ovi nutritijenti će podstaći vaš metabolizam i uticati na zdravlje štitne žlijezde koja je ključna za gubitak težine.
MLIJEKO I MLIJEČNI PROIZVODI
Stara škola nas uči da ukoliko smo na dijeti izbegavamo mliječne proizvode sa visokim sadržajem masti. Mađutim, sada imamo potpuno nova saznanja. Osobe koje konzumiraju mlijeko sa viskom procentom masnoća imaju manje stope gojaznosti od onih koji rade suprotno. Iako ovi nalazi mogu biti uslovljeni mnogim faktorima, ono što je neosporiva činjenica jeste da mliječna mast sadrži masnu kiselinu pod nazivom konjugovana linolna kiselina, za koju se smatra da podstiče gubitak masti. Za poboljšanje teksture i ukusa kombinujte mlijeko sa orašastim plodovima i voćem.
ORAŠASTI PLODOVI
Nedostaju vam grickalice?! Orašasti plodovi su pravo riješenje. Osim što su izvrsnog ukusa izvor su mnogih neophodnih nutritijenata, daju organizmu snagu i poboljšavaju imunitet. Sadrže selen i vitamin E, koji su jaki antioksidansi, usporavaju starenje, i smanjuju uticaj slobodnih radikala. Postoji jedna mala začkoljica pri konzumiranju ovih grickalica. Kako biste sprečili prejedanje, odvojte određenu količinu u zdjelicu i tako se služite.
MASLINOVO ULJE
Maslinovo ulje je osnova mediteranske ishrane, koja se smatra jednom od najboljih ishrana u smislu sprječavanja nastanaka bolesti modernog doba. Od svih ulja, maslinovo ima najveći sadržaj mononezasićenih masnih kiselina i polifenola -antioksidanasa, koji ispoljavaju protivupalno dejstvo i smanjuju rizik za nastanak tromba. Maslinovo ulje je osnova mediteranske ishrane, za koju je dokazano da produžava život, smanjuje učestalost oboljenja srca i dijabetesa i sprječava gojaznost.
Svježe cijeđeno ekstra djevičansko maslinovo ulje sadrži oleokantal, komponentu koja djeluje slično Brufenu. Istraživači kažu da ishrana bogata maslinovim uljem ima efekat kao svakodnevno uzimanje malog Aspirina od 100mg.
Jedna kašika maslinovog ulja sadrži 120 kalorija, pa je zato najbolje koristiti ga u salatama.
